O BNG pide a xunta que defenda os produtores agrarios afectados polos plans mineiros de ERIMSA | Mesia Unida

O BNG pide a xunta que defenda os produtores agrarios afectados polos plans mineiros de ERIMSA

O BNG pide a xunta que defenda os produtores agrarios afectados polos plans mineiros de ERIMSA

  • Mini advirte que está en risco a actividade de 200 granxas de Frades, Mesía, Oroso e Ordes, varias con produción ecolóxica que perderían a certificación e as axudas da PAC

Santiago de Compostela, 5 de Abril 2017.-  O deputado pola Coruña Xosé Luís Rivas levou ao Parlamento os plans mineiros da empresa ERIMSA nos concellos de Frades, Mesía, Oroso e Ordes, en particular os efectos que tería na actividade agrogandeira da zona que acadase a concesión mineira que busca.

Estes municipios suman unha superficie agraria de 6.721Has que sustentan preto de 200 granxas, varias delas co selo de certificación ecolóxico, – por exemplo Casa Grande de Xanceda-, que poderían perder se prosperan os plans da mineira, por iso pide á Xunta que actúe de oficio para defender a actividade agraria.

“A consellería de Medio Rural ten que facer valer de oficio a defensa das terras agrarias deste país, porque xa está ben”, recriminou Rivas no debate en pleno. “Estamos falando de terras agrarias melloradas pola concentración parcelaria, con explotacións con certificado de selo ecolóxico que o poden perder, de produtores que non van poder percibir as axudas da PAC mentres estean ameazados polos proxectos mineiros desta empresa”, explicou.

Rivas denunciou que detrás de ERIMSA volve estar o empresario Villar Mir propietario de Ferroatlántica e  “protexido do PP”. Esta empresa “estase empregando a fondo asistindo ás asembleas de gandeiros coaccionando e provocando enfrontamentos”, denunciou, tras lembrar que se trata da mesma mineira que facilitou no seu día o soterramento das vacas tolas.

O deputado considera que os plans da mineira teñen xerado unha gran alarma social polo que pediu á Xunta que actúe de oficio para defender a actividade agroganderia da zona.

http://www.bng.gal/articulo/novas/bng-pide-xunta-defenda-produtores-agrarios-afectados-polos-plans-mineiros-erimsa/20170405180752019841.html

 

Artigos similares

O sector lácteo galego p... Os gandeiros galegos saíron á rúa a semana pasada para esixir medidas urxentes para paliar a crise de prezos do leite no primeiro ano sen cotas e
Erimsa reúne a los orden... Erimsa reúne a los ordenses para negar el choque minería-granjas Recuerda que en tres décadas de actividad en la comarca no protagonizaron ni expropiaciones ni incidencias //
Farolas en Lanzá Procede preguntar onde están as farolas de Lanzá, esas que se quitaron despois de ser postas pola deputación na carretera que vai a Boimorto. Xa se leva
O primeiro pobo que, coa ... El pueblo que decidió dejar el oro bajo tierra Durante 300 años, la leyenda de la Ciudad de los Césares de la Patagonia enloqueció a guerreros y
26 granjas perjudicadas p... Cómo es posible que un Gobierno que dice luchar contra el despoblamiento rural tramite una macro mina de 200 hectáreas a cielo abierto que dejará sin terrenos
Abre o prazo para solicit... As familias dispoñen de prazo ata o 23 de xuño para presentar nos centros educativos as correspondentes solicitudes. Poderá acceder ao fondo solidario de libros de texto
“Isto é un espolio e E... Falamos con Patricia Miranda, unha das voceiras da Asociación Mesía Unida, sobre o proxecto de mina de seixo en Mesía-Xanceda, preto de Ordes, e o papel do
COMARCA GANDEIRA A comarca de Ordes e  das mais gandeiras de Galicia, donde concellos como Mesía e Frades destacan polos importes invertidos no sector, tanto de inversión privada como
PLANOS DO QUE PRETENDE EX... PLANO DE EXPLOTACION PLANO DE EXPLOTACION 1 PLANO DE EXPLOTACION 2 PLANO DE EXPLOTACION 3
El TSXG dicta otra senten... El TSXG dicta otra sentencia contra Erimsa por una concesión minera Desestima el recurso contencioso administrativo contra la Consellería de Medio Ambiente por denegar la licencia para

Deixar un comentario

O teu enderezo electrónico non se publicará Os campos obrigatorios están marcados con *