O DOG publica as axudas para o emprego de maquinaria agrícola en réxime asociativo por importe de 3,5 millóns de euros | Mesia Unida

O DOG publica as axudas para o emprego de maquinaria agrícola en réxime asociativo por importe de 3,5 millóns de euros

O Diario Oficial de Galicia (DOG) publica hoxe a Orde da Consellería do Medio Rural pola que se convocan as axudas para o fomento da utilización de maquinaria agrícola en réxime asociativo en Galicia. Estas achegas están cofinanciadas co Fondo Europeo Agrícola de Desenvolvemento Rural (Feader) no marco do Programa de Desenvolvemento Rural (PDR) de Galicia 2014-2020, cun orzamento de 3,5 millóns de euros.

A finalidade destas axudas é fomentar o uso deste tipo de maquinaria e equipamentos, así como a introdución de novas tecnoloxías no rural. Deste xeito preténdese racionalizar os custes de mecanización, reducir as emisións contaminantes e fomentar o aforro enerxético.

Os beneficiarios destas axudas poderán ser as cooperativas agrarias e cooperativas de utilización de maquinaria agrícola (CUMA), as sociedades agrarias de transformación (SAT), así como ambas entidades procedentes da fusión de explotacións con menos de 20 anos de antigüidade.

Actividades subvencionables
Será subvencionable a compra de maquinaria agrícola ata unha achega do 40% dos custos, agás se a entidade está nunha zona con limitacións naturais, que acadará o 50%. Tamén son susceptibles de subvención os gastos derivados de estudos técnico-económicos de viabilidade. En total, establécese un investimento mínimo de 5.000 euros para poder ser subvencionable e un máximo de ata 200.000 euros, segundo a tipoloxía do réxime asociativo.

No tocante aos criterios de valoración, priorizarase as entidades solicitantes con investimentos en proxectos innovadores seguidos polos investimentos en proxectos de cooperación. Ademais, obteranse puntos por cuestións como a porcentaxe de mulleres integradas no consello reitor ou o valor contable do parque de maquinaria no intre de solicitar a axuda, entre outros.

Solicitudes
O prazo de presentación de solicitudes será dun mes, contado a partir de mañá, día seguinte da publicación desta orde no Diario Oficial de Galicia. As solicitudes deberán presentarse preferiblemente por vía electrónica a través do formulario normalizado dispoñible na sede electrónica da Xunta de Galicia (https://sede.xunta.es) ou en soporte papel por calquera dos medios establecidos.

Artigos similares

Axuda do Plan Renove de F... PRAZO DE PRESENTACIÓN Prazo de presentación : 01/03/2016 – 30/09/2016. O prazo de presentación de solicitudes de axuda comezará o día 1 de marzo e finalizará o
TRABAJADORES DE ERIMSA TR... Ayer el Sindicato Labrego Galego celebró otra reunión en la casa de cultura de Mesia para informar a los afectados y empezar a recoger Alegaciones al Proyecto
O TRABALLO DAS MINEIRAS Por aquí pasou MINERIA Que bonito é decir que estou defendendo o meu posto de traballo, pero cos cartos que o veciño pagou polas súas terras. Logo
Curtis concede la licenci... Curtis concede la licencia para la planta de leche que promueve Goodleit en el polígono La empresa prevé invertir 18 millones en las obras de construcción –
Así está Lanza a día d... Na parroquia de Lanza, dispoñemos despois de pasar Erimsa por ela de duas grandes piscinas, fontes secas e problemas coa auga, un cemiterio de vacas tolas, desniveles
Rexeitado por Medio Rural... A parcela na que se propón a súa construción está catalogada como solo especial de protección agropecuaria O polémico vertedoiro de residuos non perigosos de Lesta promovido
Erimsa reúne a los orden... Erimsa reúne a los ordenses para negar el choque minería-granjas Recuerda que en tres décadas de actividad en la comarca no protagonizaron ni expropiaciones ni incidencias //
Abre o prazo para solicit... As familias dispoñen de prazo ata o 23 de xuño para presentar nos centros educativos as correspondentes solicitudes. Poderá acceder ao fondo solidario de libros de texto
DONDE ESTARAN AS FAROLAS ... As 27 Farolas retiradas ou desaparecidas en Lanza, son un milagro. soamente o concelleiro Fernando García e o propio xefe sabe delas, deixou as do lado da
Axudas de compensacións ... PRAZO DE PRESENTACION Prazo de presentación de solicitudes: 31/12/2015 – 30/11/2016 Desde o día seguinte á data de publicación desta orde no DOG ata o día 30

Deixar un comentario

O teu enderezo electrónico non se publicará Os campos obrigatorios están marcados con *