O sector lácteo galego prepárase para vixiar a entrada de leite de fóra de Galicia | Mesia Unida

O sector lácteo galego prepárase para vixiar a entrada de leite de fóra de Galicia

Os gandeiros galegos saíron á rúa a semana pasada para esixir medidas urxentes para paliar a crise de prezos do leite no primeiro ano sen cotas e nesa protesta ante a Xunta anunciaron que vixiarán a entrada de camións cisterna que veñen de fóra de Galicia cargados de leite para aprovisionar ás industrias asentadas na comunidade, unha práctica que a Plataforma en Defensa do Sector Lácteo Galego considera “indignante”. Por ese motivo, o colectivo celebrará hoxe unha primeira reunión en Lugo e o venres unha asemblea de produtores na área de servizo de Outeiro de Rei na Autovía do Noroeste (A-6). Estes dous encontros servirán para “organizar entre todos” a “vixilancia” deses camións cisterna e, segundo o portavoz de Unións Agrarias na plataforma, Óscar Pouse, para denunciar as prácticas dunha patronal leiteira que “está a levar á ruína a miles de familias gandeiras de Galicia”.

Pose lembrou onte que as dúas provincias que máis leite producen de toda España son A Coruña e Lugo, e ao mesmo tempo as “principais importadoras de leite foráneo”. Na Coruña entraron 108.665 toneladas de leite e nata en 2015, mentres que en Lugo a cifra chegou ás 58.239 toneladas, “mentres industrias restrinxían a produción en Galicia ou deixaban de recoller” a materia prima das granxas galegas. Tamén nestas dúas provincias varias explotacións están sen comprador da súa produción.

Pose aclara que aínda que se trata de “casos puntuais” aos que se trata de “buscar unha solución” e ao final “o leite acabará sendo recollida”, as industrias están a usar esta fórmula de presión para abaratar aínda máis o prezo da materia prima. Para facer fronte a esta crise, a Consellería de Medio Rural repartirá entre mañá e o venres un novo pago de 14,5 millóns a gandeiros e agricultores das axudas da Política Agrícola Común (PAC) da campaña 2015-2016 e aínda quedan pendentes outros 75,6 millóns.

A situación do sector lácteo foi abordada onte no Consello Consultivo de Política Agrícola para Asuntos Comunitarios, ao que asistiu a conselleira de Medio Rural, Anxos Vázquez, que defendeu a importancia do citado pago en “un momento delicado” para o sector.

Sobre a reunión, Vázquez defendeu a necesidade de establecer un seguimento mensual da situación do mercado para lograr unha maior “transparencia”. “Seguimos apostando polo acordo lácteo”, defendeu o pacto subscrito en setembro, tras meses nos que o prezo do leite en Galicia non aumentou de forma significativa. “Todo o mundo debe cumprilo”, advertiu á industria..

Neste sentido, avogou por “avanzar” no sector lácteo coa reunión que terá lugar no seo da Inlac -interprofesional láctea- a próxima semana, á vez que reiterou a necesidade de unir ás dúas organizacións de produtores lácteos (OPL) en Galicia, Ulega e Aprolac, pois se contarían co 37% dos produtores e cun 34% de leite producido.

Artigos similares

El Gobierno gallego acuer... La conselleira de Medio Ambiente y Ordenación del Territorio, Beatriz Mato Otero, y el alcalde de Mesía, Mariano Iglesias Castro, firmaron hoy el convenio de colaboración para
“Isto é un espolio e E... Falamos con Patricia Miranda, unha das voceiras da Asociación Mesía Unida, sobre o proxecto de mina de seixo en Mesía-Xanceda, preto de Ordes, e o papel do
O DOG publica as axudas p... O Diario Oficial de Galicia (DOG) publica hoxe a Orde da Consellería do Medio Rural pola que se convocan as axudas para o fomento da utilización de
AVISO CONTROL ACCESO PISC... As de Xanceda, en Mesía, son nos últimos anos as piscinas municipais máis concorridas da comarca, ata o punto de que en determinadas xornadas estivais chegan a
FESTAS E RISAS Pilar Sanchez Ulloa, Primeira tenente de Alcalde do concello de Mesia. Esta señora leva Catorce anos metendo no peto un salario de miles de Euros o ano,
O TRABALLO DAS MINEIRAS Por aquí pasou MINERIA Que bonito é decir que estou defendendo o meu posto de traballo, pero cos cartos que o veciño pagou polas súas terras. Logo
PRETENSIONS DE ERIMSA EN ... Os xornais comezan a facerse eco da nova que atemoriza o concello. A empresa noruega de explotación mineira ERIMSA pretende levar a cabo extraccións en terreos do
Os gandeiros de Ordes ale... Aquí vos deixamos unha entrevista feita a Maria Vieites, coordinadora do Sindicato Labrego en Ordes falando sobre as minas que pretenden levar a cabo Erimsa en Xanceda
Axuda do Plan Renove de F... PRAZO DE PRESENTACIÓN Prazo de presentación : 01/03/2016 – 30/09/2016. O prazo de presentación de solicitudes de axuda comezará o día 1 de marzo e finalizará o
Investimentos no Rural  O Rural sigue investindo a pesar dos baixos prezos da leite

Deixar un comentario

O teu enderezo electrónico non se publicará Os campos obrigatorios están marcados con *