O turismo interno e internacional acadaron máximos históricos en Galicia no mes de marzo | Mesia Unida

O turismo interno e internacional acadaron máximos históricos en Galicia no mes de marzo

A nosa comunidade rexistrou no pasado mes un incremento dos seus viaxeiros aloxados do 20,7% acadando preto de 260.000
Tamén as pernoitas rexistradas no terceiro mes do ano incrementáronse, nun 21,6% neste caso, ata acadar preto de 490.000.

Galicia acadou neste ano os niveis de demanda hoteleira no mes de marzo máis elevados dos últimos oito anos.

A estadía e os niveis de ocupación nos hoteis e pensións galegos melloraron tamén no paso mes nun 0,8% e 3,7 puntos porcentuais respectivamente.

ImprimirEnviar
Segundo os datos do Instituto Nacional de Estatística (INE), no pasado mes de marzo Galicia rexistrou un crecemento no volume de viaxeiros aloxados nos seus establecementos hoteleiros galegos do 20,7% acadando os 258.997.

A nosa comunidade incrementou tamén as pernoitas rexistradas no terceiro mes do ano nun 21,6% neste caso ata acadar preto de 490.000. É o segundo ano consecutivo no que Galicia rexistra unha mellora dos seus niveis de demanda hoteleira no mes de marzo acadando neste ano as cifras máis elevadas dos últimos oito anos.

A nivel estatal rexistrouse tamén un comportamento positivo da demanda hoteleira, con melloras do 16,8% no relativo á cifra de viaxeiros aloxados e do 17,6% no que se refire as pernoitas. En termos de mercado, o turismo interno —aquel representado polos residentes en Galicia— superou nun 20,1% a súa cifra de viaxeiros aloxados acadando máis de 95.300, un máximo histórico neste terceiro mes do ano.

Pola súa parte, o turismo nacional –aquel conformado polo españois procedentes doutras comunidades autónomas- incrementou no pasado mes de marzo a súa cifra de viaxeiros nun 24,1% e as súas pernoitas nun 33,4%, acadando este mercado os niveis máis elevados desde o 2008 tanto en viaxeiros aloxados coma en pernoitas.

En canto ao turismo internacional, a nosa comunidade incrementou neste terceiro mes do ano nun 12,7% os seus viaxeiros e nun 7,6% as súas pernoitas. Deste xeito, este mercado rexistrou no pasado mes de marzo un máximo histórico de viaxeiros aloxados con preto de 41.600 no conxunto da comunidade.

A nivel territorial a nosa comunidade rexistrou un comportamento positivo da demanda hoteleira en todas as provincias galegas. Ourense e Pontevedra rexistraron os incrementos máis destacados, superando nun 39% e 25% respectivamente os niveis de demanda do pasado ano. A Coruña amosou tamén unha dinámica importante, cunha suba do 18%. Pola súa parte, Ourense rexistrou un crecemento do 14,5% neste caso.

A estadía e os niveis de ocupación nos hoteis e pensións de Galicia melloraron tamén neste terceiro mes do ano nun 0,8% e 3,7 puntos porcentuais respectivamente. Así mesmo, Galicia incrementou as súas tarifas hoteleiras no terceiro mes do ano, nun 8,2%, o que levou a unha suba dos niveis de rendibilidade en relación ao mesmo período de 2015 incrementándose o RevPAR nun 15,9%.

Primeiro trimestre de 2016
Nos tres primeiros meses deste ano 2016 Galicia rexistrou un incremento da súa cifra de viaxeiros aloxados e pernoitas nos establecementos hoteleiros da comunidade, do 15% en relación ao mesmo período do pasado ano, rexistrando preto de 580.000 e máis de 1,06 millóns respectivamente.

É o segundo ano consecutivo no que Galicia rexistra unha mellora dos seus niveis de demanda hoteleira nos tres primeiros meses do ano. A nivel estatal rexistrouse tamén unha mellora dos niveis de demanda hoteleira, do 13,5% no relativo á cifra de viaxeiros aloxados e do 13,3% no que atinxe ás pernoitas. En termos de mercado, o turismo interno rexistrou un incremento do 5,1% nas súas pernoitas e do 9,2% na súa cifra de viaxeiros aloxados.

No que se refire ao turismo receptor nacional, Galicia incrementou as súas pernoitas nun 28,4% e os seus viaxeiros nun 22,5% superando por vez primeira dende o 2008 a barreira do medio millón de pernoitas nos tres primeiros meses do ano. Pola súa parte, o mercado internacional superou nun 5,7% as pernoitas e nun 10% os viaxeiros rexistrados no pasado ano.

En relación aos niveis de ocupación, o sector hoteleiro de Galicia mellorou no primeiro trimestre do ano a cifra acadada en 2015 en 2,6 puntos porcentuais acadando a porcentaxe máis elevada dos últimos seis anos.

Artigos similares

NOTA DE PRENSA DA ASOCIAC...   LOS GANADEROS EXIGEN AL ALCALDE DE MESIA CONOCER EL PROYECTO DE ERIMSA Entre los posibles afectados en el proyecto de explotación Minera que tiene la multinacional
MESIA FORMA COMISION DE S...
Abre o prazo para solicit... As familias dispoñen de prazo ata o 23 de xuño para presentar nos centros educativos as correspondentes solicitudes. Poderá acceder ao fondo solidario de libros de texto
VIDEO SOBRE ERIMSA
Farolas en Lanzá Procede preguntar onde están as farolas de Lanzá, esas que se quitaron despois de ser postas pola deputación na carretera que vai a Boimorto. Xa se leva
PLANOS DO QUE PRETENDE EX... PLANO DE EXPLOTACION PLANO DE EXPLOTACION 1 PLANO DE EXPLOTACION 2 PLANO DE EXPLOTACION 3
Queixas dos Servicios Soc... Chegaron queixas a esta asociación sobre os servicios sociais do concello, pero non das asistentas, só das xefas, concelleira e compañía.  Unha por prepotente e descarada, e
O ALCALDE DE MESIA SIGUE ... O sr. Mariano Iglesias  Alcalde de Mesia La burla y el insulto con el que viene tratando el sr. Mariano a sus vecinos y ciudadanos últimamente nadie se lo
O SR. CONCELLAL NON PODE ... Non fai moito tempo que en Galicia un Deputado provincial que ten unha gasolinera, tuvo que presentar a DIMISION por que os coches da deputación surtían na sua
Créase a Rede de Platafo... https://www.sermosgaliza.gal/articulo/social/nace-rede-plataformas-ambientais-bisbarra-compostela/20181022135754073042.html http://www.galiciaconfidencial.com/noticia/79424-nace-rede-plataformas-compostela-ulla-tambre-agresions-medio-natural

Deixar un comentario

O teu enderezo electrónico non se publicará Os campos obrigatorios están marcados con *