Rexeitado por Medio Rural o proxecto do vertedoiro de Lesta | Mesia Unida

Rexeitado por Medio Rural o proxecto do vertedoiro de Lesta

A parcela na que se propón a súa construción está catalogada como solo especial de protección agropecuaria

O polémico vertedoiro de residuos non perigosos de Lesta promovido Reciclaje Amiental Lesta S.L. conta cunha traba máis para a súa construción. Medio Rural considera a parcela onde se propón o dito proxecto como solo rústico de especial protección agropecuaria. O informe foi solicitado polo Concello de Ordes a petición da Asociación de Afectados polo Vertedoiro de Residuos non Perigosos de Lesta.

Dito documento foi remitido hai escasos días á Consellería de Medio Ambiente, Territorio e Infraestruturas, concretamente á dirección Xeral de Calidade Ambiental e Cambio Climático co fin de arquivar e rematar definitivamente coa tramitación do dito proxecto. Con todo isto, dende o Departamento de Servizos Urbanísticos do Concello de Ordes infórmase que as instalacións do vertedoiro son incompatibles co planeamento e demais disposicións legais relacionadas con este.

Ao tratarse dun solo rústico de especial protección agraria segundo a Xunta de Galicia “todas as reestruturacións parcelarias da zona, con clara vocación agropecuaria, deben responder a unha ampliación ou actualización das instalacións agropecuarias existentes”. Tal e como foi redactado o proxecto este suporía un incremento de tráfico rodado o que, xunto cos ruídos xerados pola propia actividade, prexudicaría o habitual desenvolvemento da actividade agraria e gandeira da zona”.

Como parcela con vocación agraria esta foi sometida ao proceso de reestruturación (concentración parcelaria San Andrés de Lesta. 1993)  para mellorar a súa viabilidade técnica, económica e social. Os obxectivos desta medida pasan polo incremento da área coa mobilización dos predios, ademais de garantir a utilización para uso agrario nos terreos onde se investiron importantes orzamentos. Así, segundo os datos do Rexistro de Explotacións Agrarias de Galicia, nas parroquias de Lesta e Mercurín atópanse inscritas 58 explotacións, das cales 26 teñen cualificación prioritaria.

A maiores, e tendo en conta a normativa subsidiaria de planeamento municipal baixo o que se rexe o ordenamento do concello de Ordes, obsérvase que na dita parcela teñen o seu nacemento varias correntes de auga superficiais, polo que lle corresponderá o disposto na Lei do Solo de Galicia, ademais de atoparse dentro da zona de servidume aeroportuaria do aeroporto de Lavacolla (Santiago de Compostela).

VÍA: MANCOMUNIDADE DE ORDES

http://www.mancomunidadeordes.gal/noticias/ordes-4698/rexeitado-por-medio-rural-o-proxecto-do-vertedoiro-de-lesta-25621.html?fbclid=IwAR29UrUbuoQBX1IY4Pr9ga-cgdv0ek7dg0I0K1aGeKGinTPpgDpNEWfaSdw

Artigos similares

Industria do Concello sin... Cando esiximos os contribuientes o que non se aplica o mesmo concello en si mesmo, mala señal. Calquer empresa ou persoa teria que pedir permiso con Lizenza
AUGA MUNICIPAL DESCRIMINA...  Sabia que o concello de Mesia encarece o coste da auga os gandeiros profesionais, e rebaixa os que teñen un animal de compañia ou de deporte.  Si
Rexeitado por Medio Rural... A parcela na que se propón a súa construción está catalogada como solo especial de protección agropecuaria O polémico vertedoiro de residuos non perigosos de Lesta promovido
PRESIDENTE DE FILIPINAS C... Duterte advierte al sector minero de que “impondrá impuestos” hasta lograr “su muerte” Publicado: 25 jul 2017 09:03 GMT AddThisSharingButtons Share to Facebook110Share to TwitterShare to Google+Share
Sometemento a informació... Aquí vos deixamos a RESOLUCIÓN do 13 de febrero de 2017, da Xefatura Territorial de A Coruña, pola que se someten a información pública o proxecto de
Aumentan OS LOBOS Medio Ambiente autoriza la caza de 141 lobos al norte del Duero esta temporada Los cazadores podrán abatir a 40 en Zamora: 11 en Aliste y otros
DONDE ESTARAN AS FAROLAS ... As 27 Farolas retiradas ou desaparecidas en Lanza, son un milagro. soamente o concelleiro Fernando García e o propio xefe sabe delas, deixou as do lado da
“Isto é un espolio e E... Falamos con Patricia Miranda, unha das voceiras da Asociación Mesía Unida, sobre o proxecto de mina de seixo en Mesía-Xanceda, preto de Ordes, e o papel do
ERIMSA sigue furando os c... Na parroquia de Xanceda está claro que existen moitas pedras de cuarzo, por tanto, moitos euros debaixo da terra. Isto é ben sabido por algúns, que non
Investimentos no Rural  O Rural sigue investindo a pesar dos baixos prezos da leite

Deixar un comentario

O teu enderezo electrónico non se publicará Os campos obrigatorios están marcados con *