Temos seixo azul, de moito valor, sábeno ben os noruegueses e os chineses” | Mesia Unida

Temos seixo azul, de moito valor, sábeno ben os noruegueses e os chineses”

Temos seixo azul, de moito valor, sábeno ben os noruegueses e os chineses”

Mesía Unida responde a oferta da Erimsa de renunciar ao dereito de expropiación. “Os gandeiros cren que o alcalde e a mineira os enganan”, aseguran. A polémica posible mina chega ao Parlamento

A promesa de Erimsa de non expropiar as leiras para a súa mina de cuarzo en Xanceda-Mesía non convenceu a todos. Polo menos non a Mesía Unida, colectivo no que coordinan parte dos opositores locais a este novo proxecto mineiro na comarca de Ordes.

Actividades mineiras de Erimsa / Erimsa Actividades mineiras de Erimsa / Erimsa

Actividades mineiras de Erimsa / Erimsa Actividades mineiras de Erimsa / Erimsa

“A maioría dos gandeiros e afectados pensan que lles están tendendo unha trampa coa axuda e beneplácito do alcalde de Mesía, ao ofrecer que renunciarán á expropiación”  alertan dende a Asociación.

A Lei está de parte da industria. Se queren, poden forzar a expropiación. Ante a polémica que está a medrar, a empresa de capital chino e de Noruega comprometeuse a chegar acordos con cada veciño, abrindo a porta a pagar prezos maiores cos que se fixaría no procedemento expropiador. Unha oferta que os opositores cualifican de “artimaña”.

Por que din isto? Por que “calquera acordo contrario a lei é nulo de pleno dereito. Eles sábeno ben. Por iso o Sr. Alcalde apoiando a esta xente está a traizoar aos veciños e gandeiros, e colaborando nun enfrontamento veciñal cos traballadores de Erimsa, que usan como escudos”.

GC preguntou a Erimsa por este novo ataque público de Mesía Unida pero a mineira non contestou polo de agora.

Reunión sobre a mina en Xanceda organizada por Erimsa

Reunión sobre a mina en Xanceda organizada por Erimsa

Ademais da suposta  “ocultación de información” por parte do alcalde do PP para que ninguén poida presentar alegacións e presunta “trampa” coa oferta de renunciar ao dereito de expropiación, Mesía Unida advirte dunha nova circunstancia.

“Parece que nas terras de Xanceda, Olas, Mesia e parte de Frades, entre outras, temos seixo azul, algo de moito valor no mercado internacional, sábeno ben os noruegueses e os chineses, por iso queren explotalo a fondo” alertan. “Cada tonelada de esto, unha vez preparado e limpo esta sobre 11.400 euros tonelada. trailer de 25 toneladas sobre 285.000 euros” engaden.

Erimsa é unha filial no país da compañía Elkem AS de Noruega, integrada na multinacional china Blue Star. Di ter centros de producción en Begonte (Lugo), Frades (A Coruña), Castillo (Pontevedra) e Bóveda del Río Almar (Salamanca) e dar emprego directo a máis de 230 persoas.

A mineira presume de boas prácticas :“desde 1991 ten rexistrados máis de 600 documentos de devolución de leiras en terreos de Frades, Mesía, Ordes e Oroso, onde os propietarios ratifican que llas devolveron en perfecto estado para continuar coa súa actividade anterior”.

Para a posíbel nova macromina de Mesía, a compañía promete que “respectará as explotacións agrícolas e gandeiras e traballará exclusivamente en réxime de aluguer mediante acordos voluntarios cos propietarios permitindo aos titulares dos terreos facer pleno uso deles ata o momento no que se inicie o cribado”.

A nivel político, a cuestión xa chegou ao Parlamento Europeo. Aló Lidia Senra (AGE en Europa) denuncia que os “8 postos de traballo temporais” que promete Erimsa para levar a cabo este proxecto non “compensan en absoluto” comparado coas “6.721 hectáreas afectadas de terreos agrarios”.

Senra é a ex-líder do Sindicato Labrego Galego. Esta central , segundo informa Campo Galego, convoca o martes unha reunión informativa para dar conta das datas e lugares nos que se van a facilitar aos veciños e veciñas a presentación de alegacións ao proxecto mineiro.

Erimsa convocou a semana pasada a súa propia reunión, onde anunciou por sorpresa o anuncio da renuncia ao dereito de explotación.

Os dous bandos, opositores e multinacional, están xogando as súas bazas para gañarse o apoio da poboación local. Como sucedera no caso da mina de ouro de Corcoesto, a mobilización social en contra da minería xogará un papel importante no futuro do proxecto. Polo de agora, as espadas seguen no aire.

 

 

 

http://www.galiciaconfidencial.com/noticia/53442-temos-seixo-azul-valor-sabeno-noruegueses-chineses

Artigos similares

AUGA MUNICIPAL DESCRIMINA...  Sabia que o concello de Mesia encarece o coste da auga os gandeiros profesionais, e rebaixa os que teñen un animal de compañia ou de deporte.  Si
Concédese a explotación... Mesía e Frades, os concellos con máis vacas  de toda Galicia e declarados de especial interese agrario, onde a súa principal actividade económica está vinculada á terra
Catastrazo na contribuci... A revisión catastral que se está desenvolvendo en Galicia, tanto no Catastro de Urbana como no de Rústica, terá un impacto importante sobre os bens inmobles do
NOTA DE PRENSA DA ASOCIAC...   LOS GANADEROS EXIGEN AL ALCALDE DE MESIA CONOCER EL PROYECTO DE ERIMSA Entre los posibles afectados en el proyecto de explotación Minera que tiene la multinacional
Da Terra Chá a Ordes: un...   Da Terra Chá a Ordes: unha década de loita contra Erims Artigo de opinión de Margarida Prieto Ledo, coordinadora do Sindicato Labrego Galego (SLG) na Terra
Máis de 200 alegacións ... Unha delegación con representantes da veciñanza de Xanceda (Mesía) e do Sindicato labrego galego (SLG) entregou no Concello a comezos de semana máis de 200 alegacións contra
Homenaxe unánime do Conc... A mítica peza musical “O carro”, un poema de Manuel María musicada por Baldomero Iglesias “Mero”, recibiu hoxe no Pazo de Raxoi unha merecida homenaxe por parte
O DOG publica as axudas p... O Diario Oficial de Galicia (DOG) publica hoxe a Orde da Consellería do Medio Rural pola que se convocan as axudas para o fomento da utilización de
OS GANDEIROS EN MESIA PAG...   No ano 2012 en Mesia aplicouse unha suba de IBI do 50 % por acordo municipal, o máximo permitido por lei. Fíxose  a maior subida do
EXPEDIENTE DE EXPLOTACION... Nesta ligazón podedes consultar o expediente de explotación. http://ceei.xunta.gal/expediente-explotacions-mineiras

Deixar un comentario

O teu enderezo electrónico non se publicará Os campos obrigatorios están marcados con *