Turismo de Galicia aposta pola cooperación cunha nova liña de axudas para a creación de iniciativas innovadoras conxuntas | Mesia Unida

Turismo de Galicia aposta pola cooperación cunha nova liña de axudas para a creación de iniciativas innovadoras conxuntas

A directora de Turismo de Galicia, Nava Castro, anunciou a convocatoria dunha nova liña de subvencións destinada á cooperación entre pequenos operadores turísticos para organizar procesos de traballo conxunto e compartir instalacións e recursos, así como para o desenvolvemento e a comercialización do turismo.

Segundo explicou a responsable de Turismo da Xunta, o obxectivo desta liña de axudas dotada de máis de 600 mil euros é fomentar a coordinación entre pequenos operadores económicos das áreas rurais para permitirlles adquirir en común unha escala económica da que carecen individualmente.

Os requisitos destas iniciativas é que a participación destes axentes estea vinculada a microempresas e que o proxecto teña unha orientación comercial. A directora de Turismo de Galicia sinalou que con estas subvencións prestarase apoio a aquelas actividades que poñan en valor e dinamicen economicamente as zonas rurais a través da oferta conxunta de dous ou máis operadores turísticos.

Así, os proxectos subvencionables consistirán no deseño, creación promoción e comercialización de produtos turísticos de Galicia e as actividades deberán ser realizadas no ámbito rural de Galicia, é dicir, fora dos sete núcleos de poboación máis grandes da nosa comunidade -A Coruña, Lugo, Ourense, Pontevedra, Vigo, Ferrol e Santiago-.

Os produtos turísticos obxecto das axudas terán que ter carácter innovador e deberán axustarse a algunha das seguintes liñas temáticas: produtos cabeceira de marca de Galicia, produtos destinados á creación de oferta de turismo familiar ou senior, produtos destinados á xeración dunha oferta distintiva que se acomode ao concepto “que facer en Galicia cando chove”, produtos ou rutas innovadoras e de descubrimento de novos nichos de mercado, produtos construídos baixo a idea da “cultura celta de Galicia” ou produtos baseados na creación de fins de semana, pontes ou outros períodos temporais de carácter temático.

Ademais, inclúense os produtos que articulen unha proposta de aloxamentos coordinados entre si para realizar por etapas os distintos Camiños de Santiago en Galicia, incluíndo servizos de manutención e transfers que faciliten un paquete integral aos peregrinos.

Así mesmo, no marco da acción ‘Máis aló do Camiño’ incluída no Plan Director do Camiño de Santiago, inclúese a creación e promoción de paquetes turísticos que incentiven aos peregrinos a quedarse na nosa comunidade para coñecer outros aspectos da súa oferta turística distinta da Ruta Xacobea.

A concesión destas axudas tramitarase en réxime de concorrencia competitiva valorándose de maneira positiva que as empresas implicadas na iniciativa sexan máis de dúas, que os produtos contribúan a desestacionalización do turismo galego, que a empresa solicitante certifique o seu compromiso pola calidade, a oferta de produtos turístico accesibles así como a innovación e a singularidade.

A intensidade da axuda acadará como máximo o 70% non pudendo superar a contía dos 30.000 € e serán gastos subvencionables a edición de folletos e outros soportes de promoción e difusión, a organización de xornadas e realización de campañas de promoción, as viaxes de promoción e familiarización, o desenvolvemento das TICs na xestión así como o material inventariable –bicicletas, parques infantís, material deportivo, educativo, equipamento de oficina, envases ou packaging- e funxible derivado da posta en marcha dos novos produtos.

Impulso da calidade turística
Por outra parte, a directora de Turismo de Galicia anunciou a convocatoria da liña de subvencións anual para o impulso, promoción e apoio ás iniciativas de calidade necesarias para cumprir os esixentes estándares fixados polo Instituto para a Calidade Turística Española (ICTE) para a obtención ou renovación da Q de Calidade Turística.

Os conceptos obxecto desta axuda, que mantén o seu crédito de 90.000€ para este ano, son aqueles procedentes de colaboracións externas e servizos asociados aos procesos de certificación como os custos de auditorías externas realizados por entidades auditoras acreditadas polo ICTE ou custos derivados dos dereitos de uso da marca Q no ano 2016, unha vez acadada a certificación ou renovación do establecemento.

As subvencións concederanse en réxime de concorrencia competitiva sendo os criterios de valoración: a localización do establecemento, valorándose positivamente que estea situado nun municipio declarado de interese turístico ou nun municipio que desfruta ou desfrutou dun plan de dinamización, excelencia, de produto turístico, competitividade ou SICTED; o período de funcionamento do establecemento e o compromiso do establecemento coa calidade, coa sustentabilidade e/ou coa xestión da accesibilidade.

Segundo destacou Nava Castro, no pasado ano 2015, un total de 170 negocios e centros de hostalería, restauración e lecer do territorio galego obtiveron estas axudas da Administración Turística galega para a obtención ou mantemento da certificación Q de Calidade Turística.

Artigos similares

Farolas en Lanzá Procede preguntar onde están as farolas de Lanzá, esas que se quitaron despois de ser postas pola deputación na carretera que vai a Boimorto. Xa se leva
Plataformas veciñais da ... Na dita xuntanza participaron asociacións como Non aos Eólicos en Ordes, Mina Touro-O Pino Non, Casalonga Libre de Residuos (Teo), Afectados polo Vertedoiro de Miramontes (Santiago), Afectados polo
El TSXG dicta otra senten... El TSXG dicta otra sentencia contra Erimsa por una concesión minera Desestima el recurso contencioso administrativo contra la Consellería de Medio Ambiente por denegar la licencia para
Aumentan OS LOBOS Medio Ambiente autoriza la caza de 141 lobos al norte del Duero esta temporada Los cazadores podrán abatir a 40 en Zamora: 11 en Aliste y otros
Curtis concede la licenci... Curtis concede la licencia para la planta de leche que promueve Goodleit en el polígono La empresa prevé invertir 18 millones en las obras de construcción –
Aparecen tres novos parqu... Xunto cos anteriores xa son 5 os proxectos de parques eólicos que se queren implementar en Ordes, Cerceda, Mesía e Frades. Todos eles suman un total de
As empresas non poden ins... Unha empresa agro-gandeira do sector primario, sendo primeira transformadora da cadea alimentaria, tería materia prima para alimentar esa instalación neste concello e beneficiaría a varios produtores agrícola-gandeiros
Abre o prazo para solicit... As familias dispoñen de prazo ata o 23 de xuño para presentar nos centros educativos as correspondentes solicitudes. Poderá acceder ao fondo solidario de libros de texto
PRETENSIONS DE ERIMSA EN ... Os xornais comezan a facerse eco da nova que atemoriza o concello. A empresa noruega de explotación mineira ERIMSA pretende levar a cabo extraccións en terreos do
O BNG pide a xunta que de... O BNG pide a xunta que defenda os produtores agrarios afectados polos plans mineiros de ERIMSA 05 ABR 2017 ÁS 18:07 ERIMSA FRADES MESIA OROSO ORDES MINI Mini advirte

Un comentario

Deixar un comentario

O teu enderezo electrónico non se publicará Os campos obrigatorios están marcados con *