Turismo de Galicia aposta pola cooperación cunha nova liña de axudas para a creación de iniciativas innovadoras conxuntas | Mesia Unida

Turismo de Galicia aposta pola cooperación cunha nova liña de axudas para a creación de iniciativas innovadoras conxuntas

A directora de Turismo de Galicia, Nava Castro, anunciou a convocatoria dunha nova liña de subvencións destinada á cooperación entre pequenos operadores turísticos para organizar procesos de traballo conxunto e compartir instalacións e recursos, así como para o desenvolvemento e a comercialización do turismo.

Segundo explicou a responsable de Turismo da Xunta, o obxectivo desta liña de axudas dotada de máis de 600 mil euros é fomentar a coordinación entre pequenos operadores económicos das áreas rurais para permitirlles adquirir en común unha escala económica da que carecen individualmente.

Os requisitos destas iniciativas é que a participación destes axentes estea vinculada a microempresas e que o proxecto teña unha orientación comercial. A directora de Turismo de Galicia sinalou que con estas subvencións prestarase apoio a aquelas actividades que poñan en valor e dinamicen economicamente as zonas rurais a través da oferta conxunta de dous ou máis operadores turísticos.

Así, os proxectos subvencionables consistirán no deseño, creación promoción e comercialización de produtos turísticos de Galicia e as actividades deberán ser realizadas no ámbito rural de Galicia, é dicir, fora dos sete núcleos de poboación máis grandes da nosa comunidade -A Coruña, Lugo, Ourense, Pontevedra, Vigo, Ferrol e Santiago-.

Os produtos turísticos obxecto das axudas terán que ter carácter innovador e deberán axustarse a algunha das seguintes liñas temáticas: produtos cabeceira de marca de Galicia, produtos destinados á creación de oferta de turismo familiar ou senior, produtos destinados á xeración dunha oferta distintiva que se acomode ao concepto “que facer en Galicia cando chove”, produtos ou rutas innovadoras e de descubrimento de novos nichos de mercado, produtos construídos baixo a idea da “cultura celta de Galicia” ou produtos baseados na creación de fins de semana, pontes ou outros períodos temporais de carácter temático.

Ademais, inclúense os produtos que articulen unha proposta de aloxamentos coordinados entre si para realizar por etapas os distintos Camiños de Santiago en Galicia, incluíndo servizos de manutención e transfers que faciliten un paquete integral aos peregrinos.

Así mesmo, no marco da acción ‘Máis aló do Camiño’ incluída no Plan Director do Camiño de Santiago, inclúese a creación e promoción de paquetes turísticos que incentiven aos peregrinos a quedarse na nosa comunidade para coñecer outros aspectos da súa oferta turística distinta da Ruta Xacobea.

A concesión destas axudas tramitarase en réxime de concorrencia competitiva valorándose de maneira positiva que as empresas implicadas na iniciativa sexan máis de dúas, que os produtos contribúan a desestacionalización do turismo galego, que a empresa solicitante certifique o seu compromiso pola calidade, a oferta de produtos turístico accesibles así como a innovación e a singularidade.

A intensidade da axuda acadará como máximo o 70% non pudendo superar a contía dos 30.000 € e serán gastos subvencionables a edición de folletos e outros soportes de promoción e difusión, a organización de xornadas e realización de campañas de promoción, as viaxes de promoción e familiarización, o desenvolvemento das TICs na xestión así como o material inventariable –bicicletas, parques infantís, material deportivo, educativo, equipamento de oficina, envases ou packaging- e funxible derivado da posta en marcha dos novos produtos.

Impulso da calidade turística
Por outra parte, a directora de Turismo de Galicia anunciou a convocatoria da liña de subvencións anual para o impulso, promoción e apoio ás iniciativas de calidade necesarias para cumprir os esixentes estándares fixados polo Instituto para a Calidade Turística Española (ICTE) para a obtención ou renovación da Q de Calidade Turística.

Os conceptos obxecto desta axuda, que mantén o seu crédito de 90.000€ para este ano, son aqueles procedentes de colaboracións externas e servizos asociados aos procesos de certificación como os custos de auditorías externas realizados por entidades auditoras acreditadas polo ICTE ou custos derivados dos dereitos de uso da marca Q no ano 2016, unha vez acadada a certificación ou renovación do establecemento.

As subvencións concederanse en réxime de concorrencia competitiva sendo os criterios de valoración: a localización do establecemento, valorándose positivamente que estea situado nun municipio declarado de interese turístico ou nun municipio que desfruta ou desfrutou dun plan de dinamización, excelencia, de produto turístico, competitividade ou SICTED; o período de funcionamento do establecemento e o compromiso do establecemento coa calidade, coa sustentabilidade e/ou coa xestión da accesibilidade.

Segundo destacou Nava Castro, no pasado ano 2015, un total de 170 negocios e centros de hostalería, restauración e lecer do territorio galego obtiveron estas axudas da Administración Turística galega para a obtención ou mantemento da certificación Q de Calidade Turística.

Artigos similares

Créase a Rede de Platafo... https://www.sermosgaliza.gal/articulo/social/nace-rede-plataformas-ambientais-bisbarra-compostela/20181022135754073042.html http://www.galiciaconfidencial.com/noticia/79424-nace-rede-plataformas-compostela-ulla-tambre-agresions-medio-natural
26 granjas perjudicadas p... Cómo es posible que un Gobierno que dice luchar contra el despoblamiento rural tramite una macro mina de 200 hectáreas a cielo abierto que dejará sin terrenos
Oito de cada dez explotac... As granxas lácteas da comarca están ao bordo do precipicio. Cuns prezos medios en orixe de pouco máis de 28 céntimos por litro de leite e uns
Medio Rural se opone al p... Medio Rural se opone al proyecto minero de Erimsa en la comarca de Ordes La Consellería de Medio Rural ha emitido un informe desfavorable al proyecto minero
Granxa con envasado de le... http://elprogreso.galiciae.com/noticia/549617/la-ganaderia-casa-vidal-de-guitiriz-embotella-y-comercializa-su-leche
COMARCA GANDEIRA A comarca de Ordes e  das mais gandeiras de Galicia, donde concellos como Mesía e Frades destacan polos importes invertidos no sector, tanto de inversión privada como
NOTA DE PRENSA DA ASOCIAC...   LOS GANADEROS EXIGEN AL ALCALDE DE MESIA CONOCER EL PROYECTO DE ERIMSA Entre los posibles afectados en el proyecto de explotación Minera que tiene la multinacional
Homenaxe unánime do Conc... A mítica peza musical “O carro”, un poema de Manuel María musicada por Baldomero Iglesias “Mero”, recibiu hoxe no Pazo de Raxoi unha merecida homenaxe por parte
VIDEO SOBRE ERIMSA
O turismo interno e inter... A nosa comunidade rexistrou no pasado mes un incremento dos seus viaxeiros aloxados do 20,7% acadando preto de 260.000 Tamén as pernoitas rexistradas no terceiro mes do

Un comentario

Deixar un comentario David Cancelar a resposta

O teu enderezo electrónico non se publicará Os campos obrigatorios están marcados con *